Tag Archives: Handy

Test Samsung S6

Zanter knapps engem Mount sinn ech elo stolzen Besëtzer vun engem neien Samsung Galaxy S6. Ganz kuerz wollt ech verschidden Saachen festhalen déi ech méi oder manner interessant fannen.

Iwwerspillen vun den Donnée

An der Zäit wor just Apple bekannt fir den schnellen Wiessel vun engem Aalen op een neien Handy. Ech muss soen, an manner ewéi 3 Stonnen wor mäin kompletten Handy quasi eriwwer kopéiert an operationell. Super Programmer déi Samsung do mat NFC an ähnlechem direkt an einfach zur Verfügung stellt.

Bildschierm

Et ass definitiv deen beschten deen ech bis dato gesinn hunn! Super Bild an kann Super Hell sinn!

Akku / Stroumverbrauch

Eppes wat ech definitiv schlecht fannen, ass dass den Akku agebaut gouf, ouni Méiglechkeet en einfach ze wiesselen. Eng wierklech Negativ Verännerung an mengen Aen! Gutt muss ech par contre d’Akkulafzäit bewäerten. Jo en ass nach nei an Lafzäit also optimal, ma mat bis zu iwwert 2 Deeg ass en schonns bei normalem Gebrauch duerchaus laang adequat an mengen Aen. Mat der Zäit wärt dat sécher op 1 Dag oder nach manner falen, ma deen selwechten Problem hunn iPhone & soss Kontrahenten schonns laang

Mäin negativen Punkt

Een eenzegen Punkt huet mech bis dato wierklech gesteiert um Handy an ech weess net wouhier deen Problem kënnt. D’Ladegerät wat ech derbäi hunn “Summt” am “Leerlauf” richteg extrem. Souguer menger Fra ass et opgefall! Ech hunn et elo ewech geluecht well ech déi al nach hunn ma wierklech un sech inakzeptabel bei engem neien Gerät! Läit et un der neier “Adaptive Fast Charging” Funktioun? Läit et drun dass d’Gerät niewent 5 Volt och nach 9 Volt eraus gëtt? Ech weess et net, mä normal fannen ech deen Kaméidi net. Et ass esou haart dass wanns du den Handy nieft dem Bett lueden géings, dann kéint ech net schlofen. Mä bon… Muss mol Kollegen froen op hier Ladegeräter och esou Kaméidi maachen!

Meng nei lieblings App

Zanter geraumer Zäit hunn ech eng nei lieblings App. Vill Leit hunn iwwert Joren ugefaangen WhatsApp ze benotzen. Ma zanter puer Wochen tauchen iwwerall méi Reportagen iwwert eng Alternative App op, wou an deem Zesummenhang déi beschte Kritike kritt. Jo kloer froe vill Leit sech ëmmer erëm firwat dass een Verschlësselung brauch oder muss hunn oder firwat een sech esou Gedanken iwwerhaapt maachen soll. Genau esou fänken d’Leit ower un mat jaitzen wann an der Staat nei Iwwerwaachungskameraen opgestallt ginn fir dass den Leit hir Sécherheet garantéiert kann ginn… Een bëssen paradox ma bon!

Ech fir mäin Deel hunn elo ugefaangen vun allen WhatsApp oder Viber Alternativen of ze gesinn an op Threema ëm ze wiesselen. Déi App verschlësselt d’Messagen esou dass se nëmmen vun den Benotzer selwer entschlësselt kann ginn. D’Provider (also d’Firma déi meng Internet Leitung stellt genau esou ewéi d’Firma déi d’App programméiert huet) kënnen déi Messagen net mat liesen. An alleng deen Zousaz ass deen minimalen Geldopwand derwäert!

Natierlech beäntwert dat nach ëmmer net d’Fro firwat een dat brauch. Mä wann een an leschter Zäit ëmmer erëm d’Noriichten liest vun spezialiséierten Säiten, dann fënnt een ëmmer méi kritesch Stëmmen déi quasi ni positiv iwwert déi divers grouss Boîten sinn. Natierlech hunn déi Firmen bis dato ëmmer Geld mat dem Onwëssenheet vun hiren Benotzer verdéngt ma virun allem woren déi mannsten sech Bewosst wat déi Firmen virun allem wossten respektiv sech zesummen denken konnten.

Folgenden Artikel iwwert eng Etude bestätegt ower zimlech genau wat kleng domm Leit ewéi ech schonns zanter Joren soen. Firmen déi gratis App’en verdeelen, ënnert ewéi enger Forme och ëmmer, kommen ganz sécher un Informatiounen erun wou keen mengen géif dass et esou wier! „WhatsApp“ an „Angry Birds“ sinn wierklech nëmmen d’Spëtzt vum Äisbierg. Mir vertrauen deenen Firmen esou vill Informatiounen un ewéi mir eemol knapps eisen beschten Kollegen uvertrauen.