Category Archives: Handy

Test Samsung S6

Zanter knapps engem Mount sinn ech elo stolzen Besëtzer vun engem neien Samsung Galaxy S6. Ganz kuerz wollt ech verschidden Saachen festhalen déi ech méi oder manner interessant fannen.

Iwwerspillen vun den Donnée

An der Zäit wor just Apple bekannt fir den schnellen Wiessel vun engem Aalen op een neien Handy. Ech muss soen, an manner ewéi 3 Stonnen wor mäin kompletten Handy quasi eriwwer kopéiert an operationell. Super Programmer déi Samsung do mat NFC an ähnlechem direkt an einfach zur Verfügung stellt.

Bildschierm

Et ass definitiv deen beschten deen ech bis dato gesinn hunn! Super Bild an kann Super Hell sinn!

Akku / Stroumverbrauch

Eppes wat ech definitiv schlecht fannen, ass dass den Akku agebaut gouf, ouni Méiglechkeet en einfach ze wiesselen. Eng wierklech Negativ Verännerung an mengen Aen! Gutt muss ech par contre d’Akkulafzäit bewäerten. Jo en ass nach nei an Lafzäit also optimal, ma mat bis zu iwwert 2 Deeg ass en schonns bei normalem Gebrauch duerchaus laang adequat an mengen Aen. Mat der Zäit wärt dat sécher op 1 Dag oder nach manner falen, ma deen selwechten Problem hunn iPhone & soss Kontrahenten schonns laang

Mäin negativen Punkt

Een eenzegen Punkt huet mech bis dato wierklech gesteiert um Handy an ech weess net wouhier deen Problem kënnt. D’Ladegerät wat ech derbäi hunn “Summt” am “Leerlauf” richteg extrem. Souguer menger Fra ass et opgefall! Ech hunn et elo ewech geluecht well ech déi al nach hunn ma wierklech un sech inakzeptabel bei engem neien Gerät! Läit et un der neier “Adaptive Fast Charging” Funktioun? Läit et drun dass d’Gerät niewent 5 Volt och nach 9 Volt eraus gëtt? Ech weess et net, mä normal fannen ech deen Kaméidi net. Et ass esou haart dass wanns du den Handy nieft dem Bett lueden géings, dann kéint ech net schlofen. Mä bon… Muss mol Kollegen froen op hier Ladegeräter och esou Kaméidi maachen!

Fire TV Stick vs. Chromecast

Déi läscht Wochen huet Amazon ugefaangen hiren neien Fire TV Stick an Europa ze verschécken. Hei elo mäin Fazit vun deem Gerät am Verglach zum Google Chromecast nodeems ech meng nei Spillsaach dann elo och endlech getest hunn.

Fire TV Stick Chromestick
Prais 39€ 35€
Netzdeel Jo Jo
USB Kabel Jo Jo
Telecommande Jo Neen
Processor Dual-Core Singel-Core
Ram 1GB 512MB
Internen Spaicher 8GB 2GB
Release Datum (DE) 2015/04 2014/03
Apps Amazon App Store Google Play Store
Stand-Alone Jo Neen
Screen Clone Nëmmen verschidden Amazon Geräter Quasi all Android Gerät
Positiv Telecommande Ennerstëtzt vill App’en
Negativ Greiseren Stroum Verbrauch Muss emmer iwert Handy / Tablet gesteiert gin

Perséinlech Meenung

Et muss een elo ower verschidden Saachen also ganz kloer ervir hiirwem ier een den Verglach mëscht. Den Chromestick koum virun méi ewéi engem Joer eraus! Dowéinst schonns den Ënnerscheet an der Hardware! Den Präis vun Deemools ass ganz kloer nach Haut Konkurrenzlos!

D’Amazon Gerät ass ganz kloer op allen Fronten am Virdeel. Alleng d’Telecommande déi derbäi ass, wor fir mech Argument genuch fir mir den Apparat ze leeschten! Et huet mech iwwerrascht ewéi ech mäin Fire Stick un d’Tele ugeschloss hunn an do den integréierten USB Port vun der Tele wollt huelen fir den Stroum, dass d’Gerät dunn um Bildschierm ugewisen huet, dass et net genuch Stroum krit. Also kloer méi ewéi 0,5 A Verbrauch. Wat mir och gefält ass dass de eegestänneg App’s kanns op dat Gerät installéieren. Also nach vill Spillraum fir an der Zukunft!

Lëtzebuerg ass eng Insel!

Leider muss een beim Amazon Stick erwähnen dass villes vun den Video  / Museck Features op Amazon Prime ausgeluecht ass, an well mir eben als Lëtzebuerger keng Däitsch IP hunn, et also nëmmen mat gréisserem Opwand méiglech ass, déi Funktiounen ze benotzen. Netflix zum Dank ass Streaming ower keng Diskussioun an souwäit leeft alles fléissend.

Brauch ech deen neien Stick?

Éierlech gesot weess ech net… Huet een déi puer Suen net ze vill muss et definitiv net dat neit Gerät vun Amazon sinn. Den Google Stick ass nach ëmmer funktionell an hält bis dato mat. Ass et ower eng Eischtunschaafung, dann géif ech perséinlech wierklech op d’Amazon Maschinn zeréck gräifen, well d’Potential nach méi grouss ass!

stick1   stick2   stick3

stick4   stick5   stick6

stick7

Android 5.1 Lollipop Update

Ech sinn zanter annerhallwem Joer Besëtzer vun engem Nexus7 Tablette. Ech hat mech deemools spezifesch fir deen entscheet, well et d’Original Google Tablette ass, déi also och mat am schnellsten ëmmer déi aktuell Android Versioun kritt. Natierlech ass en net esou schéin an huet all Funktiounen ewéi verschidden Samsung Geräter se hunn, ma éierlech gesot wollt ech ganz Basic Tablette zu engem raisonnabelen Präis. Leider muss een soen dass een se net am Google Shop kritt vun Lëtzebuerg aus. Schued! Deemools hunn ech missten den Wee iwwert Amazon wielen fir mäin Ankaaf.

Am November 2014 hunn se dunn och direkt no der Annonce vun der Lollipop Versioun dat fir mäin Gerät fräiginn. Upgrade gouf gemeet an virun puer Wochen elo dann erëm nei Updaten. An dat ass jo den Nexus Geräter hiren groussen Virdeel am Verglach zu Samsung an Co. Gëtt Google een Update eraus vun Android, dann dauert et dacks Méint bei deenen aneren Firmen, bis dass déi se ugepasst hunn fir hier Geräter, well déi dacks nach eng aner Uewerfläche drop geheien etc. Nexus Geräter sinn do wesentlech méi schnell bedéngt.

Bon… Ech sinn een absoluten Verfechter vun Updates (Hat ech schonns eemol gezielt ënnert dem Baidraag – Update? Jo!) well se d’Systemer einfach méi sécher maachen. Lo hat Google ower ewéi et ausgesäit een Bock geschoss mat hirem virleschtem Update. Besoneg betraff Nexus7 Geräter déi nom Update zu enger sougenanntener “Brick” (Zill / Zigelsteen) gouf well en net méi starten wollt. Entweder hat ech einfach Chance oder et wor well ech den Update sou frei gemeet hunn an eng spéider Versioun vum Update den Misère gemeet huet, ma mäin Gerät funktionéiert nach ëmmer. Dës Woch elo krut ech een neien klengen Update ugebueden deen ech och direkt opgespillt hunn, well mir déi Problematik bekannt wor, an deen Update wahrscheinlech genau weinst deem Problem nokoum.

Et bleift ze hoffen, dass sou Update an Zukunft net méi virkommen. Divers Leit woren richteg gehait mat hirem System, wann deen eemol net méi funktionéiert huet, an dat obwuel se un sech alles richteg gemeet huet! Ech fir mäin Deel roden nach ëmmer all Update op ze spillen sou schnell et nëmmen geet!

Quo Vadis Emojis – iOS Update

Gëschter Mueren huet mäin Aarbechts Handy mech dräi mol drop opmierksam gemeet dass een neien Update fir den iOS do ass… An der Mëttesstonn dunn hunn ech nodeems een Kolleg mech op nei Features opmierksam gemeet huet, deen och endlech ugekierpt. Ech weess elo ganz éierlech gesot net wat ech dovunner halen soll… Ganz éierlech ech sinn weder Rassist, Sexist nach Xenophob oder soss iergend eng negativ Astellung géigeniwwer vun friemen oder neien Saachen.

Mä wei wäit kommen mir nach an eiser Gesellschaft? Du muss mëttlerweil bal alles waats du sees oder méchs puer mol iwwerdenken ier’s du eppes méchs, an dann nach kann esou een gewaltegen Shitstorm iwwert dech kommen, fir Bagatellen wou ech mech heiansdo wierklech froen, ewéi verkommen eis Gesellschaft ass! Mä wat reegt mech dann elo esou op? Apple huet seng Emojis ugepasst. Laang iwwerfälleg soen déi eng, ma wat se lo fäerdeg bruecht hunn ass schonns Weltklassniveau!

Ech kann an Zukunft mengen Kollegen den Daum an allen méiglechen Faarwen weisen!? Hä? Schecken ech elo mengem Asiateschen Kolleg een gielen Fanger, an deem aus Afrika een brongen? Sécher net, well soss kréien ech jo schonns rëm aus deenen uewen genannten Grënn Problemer! An nach méi irritéiert hunn mech d’Billercher vun den Koppelen… Jo Apple huet elo fir all Zocht vun Koppel een Emoji! Schwuler an Lesben hunn elo och do den Wee bei Hetero Koppelen fonnt… Mat engem Kand oder méi, männlech an weiblech. Alles fënnt een. Genial! Just wann ech elo méi ewéi 3 Kanner hunn, dann ginn ech jo wierklech vun hinnen diskriminéiert…

iosupdate1     iosupdate2

Sinn dat d’Suergen déi eis Gesellschaft mëttlerweil huet? Ass jo deen selwechten Misère mat den Lampenmännchen zu Berlin. Och do mussen onbedéngt lo Fraleit hier. An ech dommen Jong hat gemengt, dat wier eng Traditioun an hat se och nach flott fonnt. Jo ech weess Gläichberechtegung hei an do! Mä wei wäit dreiwen mer et dann? Iergendwann muss een leider zum Schluss ënnert dem Stréch soen: Leider (och wann ech perséinlech net deeër Meenung sinn, an ech hoffen ganz staark dass keen sech doriwwer lëschteg mëscht) si mir anatomesch net gläich! Firwat d’Natur eis mat dem Fluch gestrooft huet verstinn ech och net. Aner Liewewiesen kommen jo och ouni aus. Wat wier eis Welt ower esou einfach.

Ech hoffen dass ech déi Emojis op mannst esou dacks benotzen wärt, ewéi ech Zäit gebraucht hunn mer se mol genau un ze kucken, ma iergendwéi hunn ech do meng Zweifel. En plus hunn ech mech an mengem Blog nach méi laang mat hinnen opgehalen. Mä alt erëm… Wat weess ech schonns ech dommen Jong…

S4 – DIY Reparatioun

Virun puer Deeg wor mäin Handy mir op den Buedem gefall. Leider wor en doduerch net méi wierklech ze gebrauchen well d’Glas zerguttst futti gefuer wor an ech doduerch ëmmer rëm kleng Glas Splitter un den Fangeren oder am Gesiicht hat.

Meng éischten Reparatur bis dass ech een neit Glas hat wor dunn Zellophan aus der Kichen. D’Kollegen hunn zwar gutt gelaacht, ma fir déi puer Deeg wou ech nach keen Ersatz hat, wor et méi ewéi perfekt. An der zweeter Phase hunn ech een Kit kaaft gehat mat engem neien Glas wat ech selwer wiesselen wollt. Hat dat bis dohinner nach ni gemeet ma mat engem Samsung S4 ass dat zimlech einfach ze realiséieren am Verglach mat aneren aktuellen Handy’en.

Ech hunn en plus elo déi méi einfach Versioun vun Reparatur gewielt. Et kann een nach d’Glas mat engem Loce Pech fest pechen ma dofir brauch een en plus eng Infrarout Luucht déi ech net besetzen. Vue que dass ech souwisou demnächst een neien GSM zegutt hunn, geet mir also déi Reparatur duer, ouni dass ech elo soen well dass et schlecht oder net gutt gemeet wier, ma se ass nëmmen méi 80% vun dem Original.

Hei dann elo d’Biller vun menger Aventure.

S4-1     S4-2     S4-3

S4-4     S4-5     S4-6

S4-7     S4-8

Inspiréiert hunn ech mech un engem Video bei YouTube wou ech mech wierklech strikt drun gehalen hunn an wou ech och wichteg Detailer draus gesinn hunn, ouni déi ech wahrscheinlech méi futti gemeet hätt ewéi virdrunner!